Breaking, Entertainment, Nepal news, News, Video » कता जाँदैछ समाज : खेल्न हिँडेकी ६ बर्षीया बालिकालाई बलात्कारपछि हत्या

कपिलबस्तुको शिवराज नगरपालिका–१० चन्द्रौटाबाट सोमबार साँझ एक बालिका हराईन् ।प्रगतीटोल बस्ने शोभाखर अधिकारी घरमा रोटी पकाउँदै थिईन् । रोटी पकाउँदा पिठो अपुग भएपछि आफ्नी ६ बर्षिय छोरीलाई उनले छिमेकीबाट पिठो पैंचो मागेर ल्याउन भनिन् ।आमाले अह्राएअनुसार पिठो ल्याएर खेल्न हिँडेकी बालिका राती अवेरसम्म घर फर्किनन् ।शोभाकर दम्पतीले प्रगतिटोलमा किराना पसल पनि चलाएका थिए । राती अवेरसम्म अवोध बालिका घरमा नफर्केपछि उनीहरु छोरीको खोजिमा लागे, तर फेला पार्न सकेनन् ।मंगलबार विहान शसस्त्र प्रहरी गण चन्द्रौटाको पछिल्तीरबाट बग्ने जवाई खोलामा आधा भाग मात्र पुरिएको अवस्थामा एक बालिकाको शव भेटियो ।खोलाको किनारमा पुरिएको शव पानीले माटो बगाएसँगै माथि उत्रँदै गएको थियो । खोलमा बालिकाको शव देखेपछी विहानै नित्यकर्म गर्न पुगेका स्थानियहरुले प्रहरीलाई खबर गरेका थिए ।
‘खोलाभन्दा केही मिटर माथिको खाल्डो भागमा बालिकालाई बलात्कार गरेर खोलामा गाडीएको देखिन्छ’ जिल्ला प्रहरी कार्यालय कपिलबस्तुका डिएसपी प्रल्हाद अधिकारीले भने, ‘सामान्य खाल्डो खनेर माटोको ढिस्को झारेर पुरेको अवस्थामा बालिकाको शव भेटिएको छ ।’घट्नामा संलग्न १७ बर्षिय एक युवालाई प्रहरीले नियन्त्रणमा लिएको बताईएको छ । पक्राउ परेका युवाले प्रारम्भिक सोधपुछका क्रममा प्रहरीलाई आफैंले बलात्कार गरेको स्वीकार गरेका छन् ।जिल्ला प्रहरी कार्यालय कपिलवस्तु स्रोतका अनुसार बालिकाको शव गाड्न प्रयोग भएको कोदाले घट्नास्थल नजिकैको एक घरमा फेला परेको छ ।बालिकाको शव उत्खनन गरेर वुटवल अस्पतालमा पोष्टमार्टमका लागी पठाईएको जानकारी दिँदै डिएसपी अधिकारीले भने, ‘हामी थप अनुसन्धान गरिरहेका छौं ।’पूर्ण विवरण तलको लिंकमा क्लिक गरि भिडियोमा हेर्नुहोस
<<खेल्न हिँडेकी ६ बर्षीया बालिकालाई बलात्कारपछि हत्या>>
स्रोत " रातो पाटि

0 comments

Write Down Your Responses