काठमाडौँ – राज्यकोषमा सबैभन्दा बढी तर कसले मारेका होला । सहजै उत्तर आउँछ नेकपा(एमाले) । २०४६ सालपछि सबैभन्दा धेरै पटक सरकारमा बस्ने र राज्यकोषमा दोहन गर्नेमा एमाले नै अग्रपंक्तिमा रहेको छ । २०४६ पछि बनेका सरकारमा एमाले २६ पटक सरकारमा सहभागी भएको छ । प्रतिपक्षमा बसेपनि व्यवस्थापिका संसद्मा अवरोध गरेर होस वा सडक आन्दोलन गरेर एमालेले आफ्नो असली हैसियत प्रष्ट गरिसकेको छ । २६ पटक भन्दा बढी सरकारमा बसेर एमालेका नेताहरुले हालसम्म उलेख्य मात्रामा सरकारी कोषको दोहन गरेका छन् ।

आजको जनआह्वान साप्ताहिकमा खबर छ – एमाले अध्यक्ष खड्ग ओलीले मात्रै राज्यकोषबाट प्रत्यक्ष रुपमा एक करोड ३६ लाख नगद लिएका छन् । मृगौला फेल भएको भन्दै उनले सो रकम लिएका थिए । यस्तै एमालेकी तत्कालीन उपाध्यक्ष एवम् वर्तमान राष्ट्रपति विद्यादेवी भण्डारीले एक करोड १८ लाख रकम राज्यकोषबाट लिएका थिइन् । यस्तै भरतमोहन अधिकारी, रामनाथ ढकाल मात्रै होइन, झलनाथ खनालले समेत राज्यकोषबाट मोटो रकम दोहन गरेका छन् ।

यतिसम्मकी झलनाथ खनालले त झ्याउको कारोबार गर्ने भनेर दश करोड भन्दा बढी रकम राज्यलाई ठगी गरेका छन् । खनालले आफ्नी श्रीमतीको नाममा खडा गरेको कम्पनी मार्फत उक्त रकम ठगी गरेका हुन् । यस्तै राज्यकोषको रकम बाँड्नेमा माधव नेपाल समेत अग्रपंक्तिमा रहेका छन् । उनी प्रधानमन्त्री भएको वखत मात्रै राज्यकोषबाट एक अर्ब बढी रकम बाडिएको थियो । केपी ओलीले आफूले मात्रै लिएर नपुगेर झापाका एमाले कार्यकर्ता र गुगल ब्वाईलाई समेत एक करोड रकम दिएका थिए ।

आदित्य दाहाल नाम भएपनि गुगल ब्वाईको रुपमा परिचित बालकको पिता एमाले कार्यकर्ता भएकै कारण ओलीले एक करोड वितरण गरेका थिए । उनी प्रधानमन्त्री हुँदा एमालेका तीन सय भन्दा बढी नेता तथा कार्यकर्तालाई प्रत्यक्ष रुपमा ९० करोड बढी रकम बाँडेका थिए भने अप्रत्यक्ष रुपमा उनले एक अर्ब भन्दा बढी रकम बाँडेका थिए । माधव नेपालले बाँडेकै हाराहारीमा ओलीले रकम बाँडेका थिए तर सदनमा एमालेका नेताहरुले नै सबैभन्दा बढी पछिल्लो पटक सरकारले सुजाता कोइरालालाई पचास लाख दिएकोमा विरोध गरेका छन् ।

विरोध गर्नेमा एमाले नेता एवम् आर्थिक तथा नैतिक रुपमा समेत भ्रष्ट भनेर प्रचार गरिएका प्रकाश ज्वाला अग्रपंक्तिमा रहेका छन् । संसद्को अर्थ समितिका सभापति रहेका ज्वालाले सो समिति देखाएर व्यापारी, उद्योगीलाई धम्क्याएर रकम उठाउने गरेको संसद सचिवालयका अधिकारी नै बताउँछन् । राज्यकोषको सबैभन्दा बढी दोहन गर्ने एमाले नै सरकारको विरोधमा उत्रनुलाई नेपाली जनताले राम्रो मानेका छैनन् । विकास निर्माणको बजेटमा समेत एमालेका नेताहरु नै भ्रष्टाचार गर्न, राज्यकोष दोहन गर्न अग्रपंक्तिमा रहेका छन् । उनीहरु जे जसरी भएपनि राज्यकोष दोहन गर्न लागिपर्ने गरेको बताइन्छ ।

त्यसो त सरकारले उपचारको लागि पचास लाख दिएको सुजाता कोइरालाको सम्पत्ति कति रहेको छ भन्ने बारेमा जनआह्वानले एउटा तथ्य फेला पारेको छ । पूर्व परराष्ट्रमन्त्री एवम् स्वर्गीय गिरिजाप्रसाद कोइरालाकी छोरी समेत रहेकी कोइरालाको काठमाडौँ मण्डिखाटारमा पाँच तले भव्य आलिशान महल रहेको छ । सो महलको हालको बजार भाउ मात्रै दश करोडको हाराहारी रहेको छ । विराटनगर उपमहानगरपालिका नौ मा १४ विगाहा जग्गा रहेको छ भने सोही उपमहानगरपालिका १५ मा १५ कट्ठा जग्गा रहेको छ । मोरङ उपमहानगरमा आठ कट्ठा १० धुर मोरङ डाइनियामा ११ कट्ठा जग्गा रहेको छ ।

सबै सम्पत्ति जोड्दा कोइरालाको ४० करोड बढी रहेको छ । सधै शक्तिको पहुँचमा रहेकी कोइरालो ज्वाई रुवेल चौधरी मार्फत समेत कमाउ धन्दा चलाउने गरेकी थिएन । अवैध कल वाइपासमा संलग्न रुबेल चौधरीले कमाएको धन्दामा समेत सुजाताको हात रहने गरेको थियो । यसरी वैध र अवैध सबै सम्पत्ति जोड्दा उनको नाममा मात्रै एक अर्ब ५० करोड बढी सम्पत्ति रहेको बताइन्छ । अर्बौको मालिक रहेकी कोइरालालाई काँग्रेसको संस्थापनको दबावमा सुजातालाई सरकारले रकम दिएको स्रोतको दावी छ ।

Disclaimer: Please note that, this site is an online news portal. The images, videos, text that are found here not from this site but comming from 3rd party video, image, texthosting sites such as youtube, ekantipur.com, ratopati.com, dainiknepal.com, quicknpnews.com, setopati.com etc. The videos and photos are not hosted by us. so, please contact to appropriate video, image, texthosting site for any content news.